التغيير

حقيقة .. لم أكن أحب الزجل كفن لحبي للغة العربية والشعر العربي .. ولكن حدثت ظروف في الفترة السابقة غيرت نظرتي للزجل حيث كنت انظر اليه كفن من لا فن له!! ولكني اكتشفت انه من الممكن ان اوصل من خلاله فكرة أو معنى إلى من يحب الزجل .. لذا سميت هذا الشهر بشهل "الزجل" تيمناً بشهر "عسل" بيني وبين فن الشعر العامي أو الزجل!!

قالوا لي أكتب أغنية
تأثر في الشباب
قلت أحسن طريقة
تكون على الراب
للتغيير .... للتغيير

أكيد لازم طريقنا
مليان بالأشواك
وتقابلنا مصاعب
هنا أو هناك
لكن مبدأنا هو
الصبر في التغيير
واللي يبدأ صغير
بكرة يبقى كبير
بالتغيير .... بالتغيير
حياتنا تبقى احلى كتير

حياتي مملة جداً
مفيش فيها جديد
أغلط كل غلطة
وتاني يوم اعيد
مش عارف أبطل عادة
أو أعمل شيء مفيد
وزهقت من المحاولة
مليت من التكرير
بالتغيير ... بالتغيير
حياتنا تبقى أحلى كتير

أنا شاب شايف نفسي
وناقصني الإنضباط
عايز أسيب الشلة
وأبطل الإختلاط
لازمني همة عالية
على شوية إيمان
لازم يكون لي مبدأ
وأغير التفكير
بالتغيير ... بالتغيير
حياتنا تبقى أحلى كتير

عندي همة عالية
ينقصني الاستمرار
أبدأ في يوم بالجدول
وف الآخر بأنهار
مش عارف أحقق هدفي
أو أحس بانتصار
بالتغيير .... بالتغيير
حياتنا تبقى أحلى كتير

لازم نغير للأحسن
أسلوبنا في الحياة
نطيع ربنا دايماً
ونتمنى رضاه
نصلي الفرض حاضر
ونحب رسول الله
وكده يبقى صنعنا
بادينا التغيير
بالتغيير ... بالتغيير
حياتنا تبقى أحلى كتير